Nadzom fiqih basa sunda

Karangan : Ajengan Juwaeni Ibnu Abdurrahman

BISMILLAHIRRAHMANIRRAHIM

7. PASAL MEURTELAKEUN SYARAT WUDHU JEUNG ADUS

Ari syarat wudhu sareng syarat mandi

Eta aya sapuluh teu kirang deui

Hiji islam dua tamyiz tilu suci

Tina nifas sareng haid mungguh di istri

Opat ulah aya barang anu nyegat

Datang cai kana kulit kaya geutih

Lima ulah aya barang nu ngarobah

Kana cai dina tempat nu dikumbah

Genep nyaho kana kafarduan nana

Tujuh ulah nekadkeun sunah ngumbahna

Kadalapan caina anu nyucikeun

Sareng anu dua deui di tangtukeun

Di jalma nu langgeung hadats eta tangtu

Hiji tuluy tuluy dua manjing waktu