Nadhom fiqih basa sunda

Karangan : Ajengan Juwaeni Ibnu Abdurrahman
 
BISMILLAHIRRAHMANIRRAHIM

11.   PASAL MERTELAKEUN HADATS JEUNG ORAT

Ari hadats leutik mana mana barang

Anu ngabatalkeun kana wudhu urang

Ari anu ngawajibkeun kana mandi

Hadats geude jumlah dua sareng tadi

Ari orat lalaki antara tuur

Sareng bujal keur solat nalika udar

Ari orat awewe anu di beli

Dina solatna orat cara lalaki

Orat awewe merdeka dina solat

Kabeh badan salian leungen jeung beunget

Ari luar solat jeung lalaki sejen

Kabeh badan najan kuku pangeureutan

Ari sareng mahram sareng pada istri

Antara tuur jeung bujal hai ki santri

Ari sareng carogena hante aya

Anu orat sumangga sadaya daya