BISMILLAHIRRAHMANIRRAHIM
9.
PASAL MERTELAKEUN HAID JEUNG NIFAS
Ari kadar haid anu pang saeutikna
Kadar sapoe sapeuting kaluarna
Ari galibna genep atawa tujuh
Najan kaluarna geutih heunte puguh
Lima belas dinten zaman pang seueurna
Najan sajam unggal dinten kaluarna
Suci antara dua haid saeutikna
Lima belas dinten sinareung wengina
Ari dua puluh tilu atanapi
Dua puluh opat galibna di istri
Ari seueurna suci teu dianggeuran
Sok aya istri saumur teu kotoran
Lamun datang hadats sangges manjing waktu
Anu mahi keur solat nu boga waktu
Halna tacan solat dina waktu eta
Maka wajib qodho solat nu harita
Lamun lengit maning maka wajib mandi
Najan tacan nepi kana galib suci
Lamun waktu aya keneh terus solat
Mun teu aya teras qodho kade lepat
Najan eta waktu solat ngan sakadar
Zaman takbiratul ihram teu ditilar
Sarta wajib qodo anu samemehna
Solat waktu anu meunang di jamakna
Kaya suci waktu isya sareng asar
Maka wajib qodho magrib sareng zdohar
Ari salian ti eta kaya suci
Waktu subuh qodho subuh bae hiji
Ari saeutikna kadar zaman nifas
Eta sakecretan geutih hanteu teuras
Ari galib nifas opat puluh dinten
Pang seueurna zaman genep puluh dinten
Tidak ada komentar:
Posting Komentar